【可乐鸡翅】
☟☟☟
【 “ 五颜六色” 鸡翅 】
（平时食开可乐鸡翅嘅你哋，肯定未试过用其他饮料整鸡翅啦，今次等我亲自下厨，整完，试完，话埋比你哋知味道点！纠正其实黑暗料理并无想象中恐怖！）
注意
以下内容涉及危险及不安情节，敬请家长留意
正式宣布！我要开始我嘅鸡翅新试法啦！
而鸡翅嘅煮法我就根据之前包师奶教落嘅电饭煲煮法
☟☟☟
/ 事前准备 /
跟住步骤准备好材料先 ☛【唔同口味唔同颜色嘅饮料】，【鸡翅】，【基本酱料...】
落油啦~ 嗱，向右滑动就可以见到我真係无偷懒，有一步步照做伽~
未加入饮料之前，半熟嘅鸡翅係咁样嘅
/ 万事俱备，正式开始加入饮料 /
☟☟☟
1
【百事可乐蓝可乐 - 梅子味 】
要提下呢款由巴厘岛进口嘅蓝可乐最近好Hit啊~ 我行咗好多间超市，最后係太古汇嘅OLE买到！好多人都慕名一试，其实味道同普通百事一样无乜区别。不过！蓝可乐真心贵啊！19蚊一支！
△ 倒入蓝可乐 △
/...等待出炉时间 /
等待嘅时候，好多同事都好好奇咁打开个电饭煲嚟睇，听到最多嘅係 “咦.....” “咦......” “咦......”
究竟係乜生物反应，令到D鸡翅变成绿色啊，明明倒入去係蓝色嘅！ :)
/ ...试味时间到 /
鸡翅闻上去就酸酸甜甜，但系个残骸电饭煲就不堪入目啦！离远都闻到有刺鼻嘅味道！
大无畏嘅同事试食完之后都一致认为“好甜”！味道係够嘅，就係好甜。不过总体嚟讲都“几好”，“唔错”，“都ok啊~” “没想象中可怕！”
意料之外大家对呢道黑暗料理，评价都算唔错。
总体评分： 70分！
☟☟☟
2
【芬达 - 橙味汽水】
橙味应该係芬达最受欢迎嘅味道，我都好中意饮呢款~
△ 倒入芬达橙味汽水 △
/...等待出炉时间 /
试过蓝可乐之后，D同事都好积极咁想睇下其他，场面好热闹啊~
如无意外，今次颜色係正常嘅，同橙汁芬达一样D鸡翅都係橙色嘅！卖相都几诱人~
/ ...试味时间到 /
闻上去係正正常常嘅，唔知试落去又点呢？
试过之后同事大呼 “哇，有酸奶味啊！” “茶叶味！茶叶味！” “咦！好奇怪啊！”有个同事试完声都沙埋！完全无比意见，马上掉头走咗！
其实加咗橙汁嘅鸡翅係酸嘅，我试过就真係觉得有D酸，不过真係有橙汁味嘅！
总体评分： 60分！
☟☟☟
3
【美年达 - 冰镇西瓜味】
炎炎夏日，广州嘅气温直飙37ºC+。“叹空调，食西瓜”绝对係夏天正确嘅打开方式~ 所以我哋嘅饮料点可以唔试美年达嗰冰镇西瓜味啊~
△ 倒入西瓜味美年达 △
/...等待出炉时间 /
公司同事D热情开始慢慢消退了，之前仲实牙实齿话一定要试晒所有味，依家见到佢哋好似想“缩沙”...
西瓜味嘅鸡翅，颜色好似唔多入色，只有小小红。卖相就真係麻麻~ 见到无食欲嗰种 %>_<%
/ ...试味时间到 /
要试嘅时候，其实我内心係拒绝嘅！ :）
我试完就觉得的的确确係有浓郁嘅西瓜味，仲连附埋薄荷，清凉嘅感觉~
其他同事就， “点解会有焦味！” “都係甜咯~”
一个可能试到味觉失调嘅同事大呼：“有屎坑味！” “？？？” （摊手）
总体评分： 50分！
☟☟☟
4
【美年达 - 葡萄味】
美年达嘅味道多就公认嘅！ 呢款葡萄味都几受欢迎，记得以前读书隔离位挚爱，次次都指定要呢只味！咁我都试下，睇下嗰效果点先~
△ 倒入葡萄味美年达 △
/...等待出炉时间 /
作为负责煮嘅我，见到D同事从开头好激动到依家求其望下，真係好大反差，大家越嚟越唔想食了~%>_<%
怪我切鸡翅嘅刀功真喺好一般，D鸡翅卖相唔多掂...不过D鸡翅全部都入晒色！只只都係紫色嘅！
/ ...试味时间到 /
除咗卖相唔得之外，大家仲对呢款鸡翅意见超级大！
见到一个同事食到面目狰狞仲话“有生猪肉味啊！” , “热嘅酸奶味”， “塑胶味！”， “好难食！” ...呢款紫色鸡翅已经成功咁被大家评为“史上最黑暗料理” 。
一个鼻塞嘅同事都觉得佢刺鼻！... 好啦~ 我试完之后起晒鸡皮，仲觉得有D反胃... (╯﹏╰）
总体评分： 负分！！！
☟☟☟
5
【金典沙士】
我挚爱嘅“铁打酒”，最想试嘅一款！！！ 可能有D人接受唔到沙士嘅味道，但係沙士的确係广州人嘅回忆同最爱啊！
动图
△ 倒入沙士 △
/...等待出炉时间 /
大家为咗影张相仲係会坚持过嚟睇下，然后就面无表情咁走翻开...
因为沙士同可乐嘅颜色差唔多，所以沙士鸡翅嘅色泽最接近可乐鸡翅，可接受程度最高！正正常常嘅鸡翅，都敢摆入口多D！
/ ...试味时间到 /
我哋叫沙士做“铁打酒”唔係无道理嘅，因为连沙士煮出嚟嘅鸡翅都保留翻有“咳药水味”
“咦，唔错窝~” “呢只最好味了~” “确实唔差..”
可能係啱试完地狱紫色鸡翅，所以呢款沙士鸡翅大家不明觉厉都觉得好食！终于有只似样D嘅鸡翅摆入口啦！ （感动 %>_<%）
总体评分： 75分！
Ψ 暗黑料理 Ψ
“五颜六色鸡翅”大合集
五颜六色嘅鸡翅摆埋一齐之后，大家仲分唔分得清 “边个打边个” 啊？
虽然五颜六色嘅鸡翅係暗黑咗D，但係绝对安全！到现时为止，试过嘅同事包括我都健健康康，身体无任何不适 :-P
不过自此之后，大家都拍晒心口咁话，绝对无下次啦！唔想再试我D新嘢啦！
（不过我嘅暗黑料理唔建议小朋友食用~此款鸡翅最适合人群为，活泼可爱勇于尝试嘅年轻人！）
剩下嘅 【蜂蜜柚子味】，【青苹果味】
就留翻比你哋试啦~ 我已经被吐槽到无能为力了
係啦，如果试完觉得好食记得话翻比我哋知wor~ 或者你想分享你嘅自创暗黑料理俾我都无任欢迎啊！哈哈~返回搜狐，查看更多